بالنسبه للناس اللي معندهمش معلومات كافيه عن جزر المالديف .. هنقولكم على شوية معلومات هتفيدكم لو ناويين تقضوا اجازة في المالديف

 

جديد : استمتع بشهر عسل مايتنسيش في جزر المالديف

بتفكر تقضى شهر عسل مميز من غير ما تدفع فلوس كتير ، قضى 6 ايام في جزر المالديف واستمتع باحلى لحظات شهر العسل في أجمل مدن اسيا.

 احجز البرنامج من هنا 

 

نصائح وأمور يجب ان تعرفها قبل السفر الي جزر المالديف 

1- المالديف مناسبة جدا لل couples و خصوصا اللي مفيش معاهم اولاد .. لو single و ناوي تروح كرحلة انت واصحابك وكده مش هتستمتع اوي لان مفيش فيها اماكن للسهر و التنطيط بتاع السناجل ..
 
2- المالديف كبلد عبارة عن مجموعة جزر جنب بعض في المحيط الهندي ،،، تحديدا 1190 جزيرة والإنتقال بينهم بيكون عن طريق المراكب بأنواعها ( speed boat او ferry او اللانشات ) 
 
3- العاصمة ( مالية male ) و دي على جزيرة لوحدها ، و اقرب جزيرة ليها هي الجزيرة اللي عليها المطار و هي ( هولي مالي hulimale ) المسافة بينهم بالظبط 5 دقائق بالمركب العادي

ومجرد ما تطلع من المطار هتلاقي البحر في وشك و فيه مراكب بتطلع من جزيرة المطار بتروح العاصمة كل 5 دقائق و بتكون رخيصة (1 دولار للشخص تقريبا ) ،،، طبعا العاصمة صغيرة و لو رايح في honeymoon مش هيكون فيها حاجة تهمك اوي

بالتالي مجرد ما توصل ( مالية ) اللي هي العاصمة ، تروح عند ال ferry terminal و دي المحطة اللي منها المراكب بتروح لأي جزيرة انت عايز تروحها من الجزر
 
4- من احلى الجزر هناك جزيرة اسمها ( مافوشي maafushi ) المميز فيها ان ناسها طيبين و محترمين جدا و كمان الفنادق اللي فيها مش كلها غاليه ،، فيها كل الاسعار و المستويات ،،،ومواقع حجز الفنادق هتساعدك كتير تختار الفندق اللي يناسبك ، اهم حاجة تعمل حسابك لما تحجز تذكرة الطيران تشوف انت هتوصل ( مالية ) امتى لأن ال ferry بيطلع كل يوم من مالي مافوشي في ميعاد محدد هو الساعة 3 العصر ،، بالتالي لو هتوصل قبل الساعة 3 العصر هتنتظر في مالي عادي لكن لو هتوصل بعد الساعة 3 لازم تعمل حسابك تكون حاجز ليلة في اي فندق في مالي لأنك هتبات ليلة لحد ما تركب ال ferry تاني يوم الساعة 3

5- هتطلع من المطار هتلاقي اكشاك صغيره كده عليها ارقام .. الفندق بتاعك هيبقى معرفك الرقم بتاعه اللي تروح عليه .. هتروحلهم هناك وتسلمهم نفسك ياخدو منك الشنط و يجيبولك ميه ساقعه بعد كده هياخدوك على المركب اللي هو مستنيك بره المطار عشان تروح على الجزيرة بتاعتك ولو الجزيرة بعيدة هتاخد طياره صغيره بتعمل take off و landing في المياه .. واعمل حسابك ان مصاريف المركب دي او الطياره غير مشمولة في حجز الفندق...

 
6- الفيزا للمالديف  : بالنسبة للمصريين الفيزا on arrival بتاخدها من المطار و مش محتاج اي اجراءات ولا اورق ،،، لما بتوصل المطار ظابط الجوازات بيشوف بس حجز الفندق و حجز تذكرة العودة ،، بيختملك على الباسبور تأشيرة سياحة لمدة ٣٠ يوم
 
7- بالنسبة للطيران ،،، ممكن تحجز على الإماراتية ،، هتعمل بس ترانزيت في دبي ،،، و طبعا كل ما تحجز بدري كل ما هيكون قدامك فرصة تلاقي سعر كويس 

8-عشان تحجز مكان الاقامة شوف اكتر من موقع عشان الاسعار و شوف تعليقات اللي سبقوك و جربوه ..

9- لو عايز تصرف كتير احجز water villa هتستمتع لو بتدور على الخصوصية .. لو عاوز تلم الموضوع شوف المنتجعات اللي عندهم غرف على الجزيرة نفسها بتبقى ارخص ..

10 - لما تحجز احجز all inclusive عشان هتوفر كتير لان اقل وجبة من المنيو ب ٤٠ او ٥٠ دولار .. وكمان اختار الفندق اللي عنده اوبن بوفيه تختار انت منه .. لان في فنادق بتقدملك menu فيه اصناف واسماء مش معروفه تختار انت منه وفي الاخر ممكن تاكل حاجة عمرك ما سمعت عنها

11- في المالديف الاكل مش كله حلال يعني ممكن صنف من الاصناف تلاقي فيه لحم خنزير عادي .. الافضل تسأل قبل ما تاخد حاجه شاكك فيها ..
 
12- المالديف غالية والتعامل فيها بالدولار وكل حاجه عليها ضرايب و بالمناسبة 5 ايام او اسبوع بالكتير كفاية اوي عشان هتحس بالملل لو اكتر من كده لان مفيش انشطة هناك غير ال water activities وبعد كام يوم مش هتلاقي جديد تعمله حتى لو معاك budget كويسة احسن لك تكمل في اي بلد تانية قريبة زي سريلانكا او الهند

13- خد معاك كل اللي تحتاجه كريماتك و شوية حاجات للصداع و و حروق الشمس و نزلات البرد و كده لان هناك عشان تشتري حاجه لازم ترجع العاصمة و هتشتريها بأضعاف سعرها و طبعا هتدفع بالدولار …

14-  وضروري تاخد معاك حوالي 1000 دولار كاش احتياطي

15- على الجزيرة بقى هتلاقيهم جايبنلك واحد خادم شخصي ليك (butler) .. تتصل في اي وقت لو محتاج حاجه لازم يتشقلب و يعملهالك حتى لو في نص الليل ..

 

لو محتاج تعرف معلومات اكتر بشكل تفصيلى عن جزر المالديف دي أهم المعلومات عن السياحة والسفر في المالديف