السفر الى المالديف للمرة الأولى
لو بتفكر تسافر الى المالديف لأول مرة ، عايز تعرف معلومات ونصائح مهمه عن المالديف و كيفية اختيار مكان الإقامة المناسب, فأنت في المكان الصح.
السفر إلى المالديف
جديد : استمتع بشهر عسل مايتنسيش في جزر المالديف
بتفكر تقضى شهر عسل مميز من غير ما تدفع فلوس كتير ، قضى 6 ايام في جزر المالديف واستمتع باحلى لحظات شهر العسل في أجمل مدن اسيا.
احجز البرنامج من هنا
اولا : المنتجعات
جميع منتجعات المالديف تقع على جزر خاصة تتراوح مساحتها من 150 م² حتى 2.5 كم², ودة معناه ان المرافق المتوفرة في المنتجع اللي هتختاره سواء (مطاعم, بارات, رياضات مائية, اماكن التسلية والترفيه..إلخ) هي الأماكن الوحيدة اللي هتقدر توصلها خلال فترة اقامتك في المنتجع.
أغلب المنتجعات توفر رحلات بحرية لجزر الصيد المحلية أو الى العاصمة ماليه, يوجد في المالديف 106 منتجع تقع على جزر خاصة
وتتراوح اسعارها من المقبول الى اللامحدود من الرفاهية والفخامة
لو كنت من اللي بيحب يكتشف المالديف الحقيقة يبقى لازم تفكر في أحد بيوت الضيافة المحلية المتوفرة في 5 جزر مأهولة واللي بتتميز بغرف بأسعار زهيدة. زي جزيرة مافوشي
كيفية السفر والوصول الى المالديف
تهبط الرحلات الدولية في مطار هانيمادهو الدولي وهو بحد ذاته يقع على جزيرة خاصة , العديد من الزوار بيسافروا بطائرات خاصة, لكن فيه رحلات طيران بتروح المالديف واشهر الخطوط الجوية دي : الاماراتية من دبي , القطرية من الدوحة, خطوط سيريلانكا
من كولومبو, خطوط سنغافورة من سنغافورة, الخطوط البريطانية من لندن, ومؤخرا أعلنت الخطوط السعودية عن رحلات مباشرة من الرياض الى المالديف وغيرها ..
السفر الى المالديف والوصول الى المنتجع
التنقل من المطار للمنتجع بيتم بــ 3 طرق : يإما بالقارب أو بالطائرة المائية أو بالطيران المحلي ودة بيعتمد على البعد عن مطار ماليه الدولي
- اذا كان الوصول الى المنتجع الخاص بك يتطلب طائرة مائية يبقي فيه حاجة مهمه لازم تكون عارفها :
الطائرة المائية تعمل فقط في ساعات النهار يعنى معني كدا ان ميعاد وصولك بعد غروب الشمس هيضطرك تفضل الليلة دي في ماليه
” نسق مع منظم رحلتك يرتبلك مكان تقيم فيه الليلة دي في ماليه”.
الطائرة المائية
ركوب الطائرة المائية في المالديف تجربة فريدة بحد ذاتها , حاول تاخد الكرسي اللي جنب النافذه واتأكد من تجهيز كاميرتك قبل الصعود على الطائرة واستمتع بأحلى المناظر الساحرة
ايه اللي ممكن تعمله في المالديف ؟
المالديف الجنة الاستوائية بيسافر لها السياح من أنحاء العالم عشان يستمتعوا بجمال شواطئها والرياضات المائية فيها دة غير وجود مجموعة ممتازة من مواقع الغوص
معظم المنتجعات مبتعملش برنامج حافل بالنشاطات , ومفيش فرصة لزيارة معالم سياحية (بغض النظر عن الرحلات اللي ممكن تنظيمها بالقوارب لزيارة الجزر المأهولة المحيطة)
” لو انت مش من عشاق التسكع على شاطئ مفعم بالهدوء مع كتاب او مع شريكك , أو مجرد التمتع باشعة الشمس الذهبية والمياه الكريستالية, أو الغوص والغطس. يبقى المالديف مش المكان المناسب ليك “
كيفية اختيار منتجعك المفضل في المالديف
السعر والتكلفة مش بتكون واضحة من النظرة الأولى , وبتختلف باختلاف عدة عوامل :
-نوع السكن. معظم المنتجعات عندها تشكيلة واسعة من أنواع الغرف وأماكن الإقامة مثل غرفة ذات مقومات اساسية أو غرفة أكبر أو في موقع وباشراف على اطلالة أجمل, وحاجة واحدة من العوامل دي تؤدي لتضاعف تكلفة الإقامة أكثر من مرة.
-أماكن الإقامة في المالديف عادة لا تتكون من أكثر من طابقين أو تكون غرفة أو فيلا منعزلة على الشاطئ أو فوق المياه وبالتالي متتوقعش الإقامة تكون في مكان شاهق.
-مرافق المنتجع. لازم تعرف أنك مش هتكون قادر تروح مكان تاني لتناول الطعام , او ممارسة احدى الرياضات المائية, أو القيام بأي نشاط آخر تحبه . لذلك يجب ان تختار المنتجع اللي بيضم المرافق التي تناسب احتياجاتك.
الكثير من الجزر بها مطعم أو مطعمين , وبالتالي لو كانت خياراتك محدودة في الطعام يبقي لازم تختار منتجع بيقدم خيارات طعام مفتوحة بدلا من سيت منيو .
مفيش حمام سباحة في كل المنتجعات “ في المحيط الهندي مش هتحتاجها ” لكن في حالة كانت ضرورية بالنسبة لك تأكد من وجودها قبل إجراء
الحجز.
بعض المنتجعات توفر مرافق للأنشطة الرياضية مثل ملعب تنس ونادي رياضي, وبعضها يوفر مرافق الرياضات المائية مثل : ركوب الأمواج ركوب الألواح الشراعية الغوص بين الشعاب المرجانية ووتر سيكينغ باراسيلينج كاتاماران سيلينغ.
البعد عن العاصمة ماليه.
المنتجعات القريبة من العاصمة مبتحتجش منك وقت ومجهود كبير عشان توصلها بس المنتجعات دي بتكون احيانا اقل هدوء من البعيدة , لانها بتكون تحت مسار رحلات الطيران القادمة الى المالديف , أو قريب من ممر ملاحي تجاري وطبعا دة كله سيعكر صورة
المالديف والجنة الاستوائية اللي خططت لزيارتها.عشان كدا لازم تتاكد من موقع المنتجع قبل الحجز
خطة الطعام في المنتجعات :
لمعظم المنتجعات الخطة الأساسية ليها هي bed and breakfast “سرير وفطار” وفي هناك عدة منتجعات جديدة تقدم all-inclusive “شامل كل شيء” كخطة أساسية.
بس خد بالك وانت بتقرأ العرض المقدم فـ “ شامل كل شيء ” مش معناها شامل كل شيء في كل المنتجعات احيانا بتكون الوجبات مشمولة بالعرض فقط في المطعم الأساسي ولازم تدفع تكملة عند تناول الطعام في مكان تاني .
حاجات لازم تاخد بالك منها في رحلتك لجزر المالديف
-تكلفة الوجبات والمشروبات في منتجعات المالديف بتكون غالية جدا كل حاجة في المالديف باستثناء السمك وجوز الهند بيتم استيرادها , وعادة بتيجي طائرة من دبي للعاصمة ثم بالقارب الى المنتجع.
-اي نشاط هتقوم به في المنتجع هيكون غير مجاني في معظم الأحوال ” الرياضات المائية, مرافق التسلية والأنشطة. المنتجع الصحي وخدمات المساج , الهدايا التذكارية”
ودي كانت بعض المعلومات عن جزر المالديف
ده فلتر لفنادق في المالديف ، الـ 3 ايام بيبدأ السعر من أول 2000 جنيه شامل الفطار (لشخص واحد)
https://goo.gl/XdoSvq
ودي كمان أسعار الطيران للمالديف بتبدأ من 11 ألف (رايح - راجع) عشان ميبقاش ليكم حجة
https://goo.gl/YPqZbq
