اتكلمنا في مقال فات عن تصنيف المطاعم في دهب واشهر المطاعم والكافيهات الموجودة فيها 
 و النهارده حابين نتكلم عن الإقامة في دهب وهنقسم الإقامة إلى أربع فئات 

انواع الاقامة في دهب واسعار فنادق وكامبات دهب 

 


جديد : نفسك تسافر دهب تستجم وتجرب كل حاجة هناك ؟

الحق أحجز معانا الرحلات والانشطة فى دهب واعرف اخر العروض اللى هتظبط مزاجك - شوف اجدد الرحلات واحجزها من هنا
 

*هنبدا بالفئة الأولى من فنادق دهب ودي فئة بتتعدى تكلفة الليلة بها  الــ 1000 جنيه 

وديه طبعا اعلى فئه فنادق في دهب ممكن الليله تعدي الــ  1200 جنيه كمتوسط للفرد  بس ديه تعتبر اقوى و افضل فنادق على مستوى دهب و لذلك هرشحلك التالي:

فندق سويس ان Swiss Inn  __ جاز دهبية Jaz Dahabeya Hotel  __ تيرانا  Tirana Dahab Resorts __ ايكوتيل Ecotel Dahab
 

 

*الفئة الثانية من فنادق دهب 3 / 4 نجوم متوسط الليله بها 800 جنيه 
 

ديه اقل مستوى من اللي قبلها بس نقدر نقول فنادق 3 نجوم ديلوكس يعني ترقى الى المستوى الرابع

و بتكون متوسط سعر الليلة 800 جنيه و هرشحلك التالي:

كريستينا بيتش Christina Beach Palace  __ نسيمة  Nesima resort__ الشيخ على Sheikh Ali Dahab Resort  __ كورال كوست Coral Coast Hotel __ جنة سيناء Ganet Sinai Resort
 

 

*الفئة الثالثة من فنادق دهب 3 نجوم بمتوسط سعر 400 جنيه في الليلة 

ديه نرشحها لشباب اكتر لو عايزين حاجه في حدود 400 جنيه في الليله لغرفه بس طبعا كلها نضيفه برده بس بنصنفها 3 نجوم.
وهنرشح منها التالي:

ديارنا Dyarna Dahab Hotel __ روكيتا Rocketa Hotel __ فور اس 4S __ لارين La Reine Dahab hotel__ بلانت أواسيس Planet Oasis Resort Dahab __ الجوهرة Jowhara Hotel .

 

*الفئة الرابعة من فنادق دهب هي الكامبات والخيم الشبابية بأسعار تبدأ من 90 جنيه في الليله 

ديه رحلات التوفير لشباب اللي عايز مكان مجرد نوم ممكن تكون مرتبه في خيمه او كامبات شبابيه و السعر في اليوم بيبدا من 90 جنيه  الي 150 جنيه و ديه انصح بيها الناس اللي بتسافر Low Cost و هنا هرشح:

-كامب Charlie house dahab و ده خيام شبابيه 

-كامب Fighting kangaroo camp و ليه اسم تاني و هو Oasis

ملحوظة 

الاتنين جنب بعض قريبين من الممشي بالظبط 3 دقائق تمشيه من عند مطعم علي بابا.

في فنادق و كامبات كتير بس انت ممكن تدفع مبالغ كتير علي مستوي متوسط و ممكن تدفع قليل بس خدمه سيئه.

ناخد بالنا ان المواسم والأعياد مش فتره صح لتقييم الفنادق في مصر عموما فلو عايز تحكم صح احكم بعد المواسم.

الاسعار الخاصة بالفنادق ممكن تتبعوها من خلال booking او Tripadvisor

 

ولو عاوز برنامج سياحي لدهب دة ترشيح لبرنامج سياحي ترفيهي لدهب 

او لو عاوز تعرف اكتر عن الاماكن السياحية فى دهب : تعرف علي أهم الاماكن السياحية الانشطة الترفيهية الموجودة فى مدينة دهب