السياحة فى بالي : الاماكن السياحية التي تستحق الزيارة فى بالي

مبدأياً لو مسافر لجزيرة بالي لازم تقعد فيها مش أقل من 10 ايام علشان فيها حاجات كتير تتعمل ودة لان الأنشطة فيها كتيرة وهتشوف فيها اماكن ومناظر طبيعية غاية الجمال

احنا هنحاول نعرفك كل المعلومات اللى محتاج تعرفها عن  " جزيرة  بالي " اجمل الاماكن السياحية في اندونيسيا وهي واحدة من مئات الجزر المكوّنة لاندونيسيا ، وسيّاح كتير بيروحوا هناك  بهدف الاستجمام والتمتع بسحر الطبيعة الخضراء مع الغابات

والشواطئ الرملية .

كل ما تود معرفته قبل السفر الى بالي - اندونيسيا

1- اسعار تذاكر الطيران الي بالي : 
 

أسعار تذاكر الطيران تتراوح ما بين 7000 الى 11000 جنيه حسب الموسم و حسب وقت الحجز وممكن تبقى أقل من كدا كمان ، الرحلة بتبقي مدتها حوالي 20 ساعة لو ترنزيت والترانزيت بيبقي في معظم الحالات في دبي أو ابو ظبي .

تقدر تشوف مواقع حجز تذاكر الطيران و تشوف أفضل الأسعار. هتلاقي كل الرحلات من كل شركات الطيران وكل ما تحجز بدري كل ما كان الطيران ارخص شوية ، دة غير انك لو حجزت طيران من القاهرة - جاكرتا ( عاصمة إندونيسيا ) هيكون ارخص

كتير من القاهرة - بالي 
 

2- أفضل اوقات السفر الي بالي :
 

 الجو في بالي حلو معظم أوقات السنة و عندهم موسمين الاول بيكون من شهر 10 الى شهر 2 و ده بيكون موسم المطرة و باقي السنة جاف و حار.

3- إجراءات السفر الي بالي: 

اندونيسيا لا تحتاج فيزا بالنسبة للمصريين و لا تحتاج تصريح أمني في حالة انه مكتوب في الباسبور مهنة أو مؤهل عالي كل اللي عليك تحجز طيران و تصريح الجيش (ان وجد) وتسافر . 

4 - كيفية التنقل داخل  بالي: 

هناك في app اسمه grab دة كويس جدا ورخيص .  وفي طريقة ثانية وهي انك تاجر scooter ودة بيكون بحوالي 70 الف روبية يعني حوالى 90 جنيه في اليوم 
 
*الجنية المصري = 840 روبية اندونيسية تقريبا . و الدولار = حوالي 14800 روبيه 

( أفضل شيء انك تاخد معاك دولار و تغيره روبية من هناك ) ويفضّل تغيير العملة في الصرافات خارج المطار لأن أسعار صرافات المطار أقل.

5- اسعار شريحة الموبايل:

 اسعار الخطوط مناسبة جدا يعني ممكن تشتري خط فيه 4.5 جيجا نت بحوالي 60000 روبية او  ما يعادل حوالي 70 جنيه مصري.

6- مطاعم الاكل الحلال في بالي : 

لازم تسأل عن الاكل الحلال علشان بالي 90 % من سكانها hindu و 10 % مسلمين بس عامة pizza hut  , kfc  حلال وكمان في مطعم في منطقة ubud اسمه ubud halal burger حلو اوى

7-  بالي فيها حوالي 4 أماكن رئيسية او وجهات سياحية مميزة لازم تزورها : 

( seminyak - ubud - nusa dua - kuta)

8- بالنسبة للأنشطة والرحلات في بالي : 

1- لازم تجربوا ركوب الأمواج . اول مرة لازم تاخد كورس في اَيا من المدارس الكتير هناك الكورس بيبقي عبارة عن ساعتين تدريب مع

 (private instructor) و (photo session)  وبيكون سعرها حوالي 20 دولار و بعد كده تقدر تاجر البورد بس و بيكون سعره حوالي 70 جنيه في اليوم .

2- رحلة الرافتينج : الرافتينج عبارة عن رحلة بمركب مطاطي لمدة ساعتين في النهر السريع شلالات و تنطيط و طبيعة ساحرة و ديه بتتعمل في منطقة أوبود ubud  بس ممكن تحجزها من مكاتب الحجز المنتشرة في كوتا و سعرها بيكون  350000 روبية  يعني

حوالي 400 جنيه شامله الانتقالات و ووجبة غداء.

9 - بالنسبة للخروجات والفسح اللي هناك : 

* اولا كدة في شواطئ كتير حلوة جدا 

-melasti beach

- Green bowl beach 

- Jimbaran beach 

- Seminyak beach

- Padang padang beach 

دول طبعا تقدر تروح لهم الصبح وبالليل وكمان تشوف الشروق هناك عالمي . 

melasti beach

 Green bowl beach 

Padang padang beach

* ثانيا عندك في منطقة ubud دي منطقة غابات ومناظر طبيعية .

- في ubud monkey forest دي غابة فيها حوالي 10000 قرد بيبقوا منطلقين حواليك وخد بالك من حاجتك علشان ممكن يخطفوها منك

‏-tegallagan rice terraces دي منطقة مزارع رز شكلها حوار وفيها bali swing طبعا شكلها يخوف وانت شايف حد راكبها بس ممتعة جدا

- والناس اللي بتحب الحاجات ال organic وال handmade عندهم ubud art market 

- الشلالات الطبيعية هناك تحفة واشهرهم Tegenungan waterfall

- Waterbom kuta ودي اكبر ملاهي مائية في آسيا موجودة فى كوتا 

Ubud Monkey Forest

ubud art market 

tegenungan waterfall

Waterbom kuta

bali swing

- وفي جزيرة اسمها nusa penida ودي بتتراح ب speed boat من بالي من اجمل الاماكن اللى ممكن تروحها هتلاقي فيها هدوء وراحة بال غير عاديين ، ولو عايز تعيش جو المالديف وتشوف شاطئ فعلا اكتر من رائع وتعمل دايفنج مع اسماك لازم تروح

جزيرة nusa lembongan 

nusa penida

nusa lambongan

السياحة في بالي جميلة جدا ومناسبة ليك سواء رايح لوحدك او مع اصحابك او لو حتى رايح تقضي شهر العسل هناك ،  ودة لان السفر الى بالي من حجوزات و طيران وفنادق وخروجات وشوبينج مش مكلف خالص والفنادق و الهوستلز اسعارها رخيص جدا ،

يعنى ممكن سفريه كامله زى دي تدفع فيها على الاكثر 20 الف وتقضي أحلي  15 يوم وسط الطبيعه الخلابة وتستمتع بزيارة أجمل الاماكن السياحية فى بالي - اندونيسيا