دليلك الاقتصادي لقضاء شهر عسل فى ماليزيا بأقل تكلفة وافضل الاختيارات

ماليزيا من الدول اللي من غير تأشيرة للمصرين ومن الدول السياحيه الجميله جدا وفيها اماكن روعه. وفى مقالنا دة هنتكلم عن برنامج سياحي لماليزيا للعرسان عشان تزوروا فيه اجمل الاماكن السياحية فى ماليزيا بس الاول خلينا ناخد نبذه عن البلد .

معلومات سريعه قبل السفر الى ماليزيا : 

 كل اللي عليك علشان تسافر ماليزيا الباسبور وتذكره الطيران وحجز فندق . وطبعا اذن سفر من التجنيد ، لو انت سنك ما بين 18 سنه و 45 سنه يبقي هتحتاج تصريح امنى من مجمع التحرير  وممكن تتتعرف علي ( خطوات عمل التصريح الامني من مجمع التحرير )

عند وصولك ماليزيا هتاخد ٣ شهور سياحه.بدون اى رسوم. 

 بالنسبه للمصاريف فى ماليزيا الاكل رخيص جدا. بيتعملوا بعمله اسمها ( رينجت ) . 
 
بالنسبة للأكل الماليزى فهو رخيص جدا الوجبة تبتدي من 10 رينجت لحد 20 رينجت. 

بالنسبه للجو في ماليزيا حر ( الرطوبة عالية جدا ) مش هتحتاج لبس شتوى خالص ، الدنيا بتمطر كتير اوى بس بردو الجو حر .

 بالنسبة للمواصلات والانتقالات داخل ماليزيا  لازم تحمل  الابلكيشين دول : grab و moovit . بالنسبة للجراب ده برنامج لطلب تاكسي زي اوبراسعاره كويسة وارخص من التكاسي العادية هناك بكتير هتحتاج تستخدمه دايما فى الانتقالات 

اما برنامج موڤييت دة برنامج كويس جدا يعتبر كجايد للمواصلات اللي هتحتاجها لأي مكان والمدة المتاحة للوصول ليها بس بتكتب الوجهة والبرنامج بيديك كل الباصات المتاحة للمكان دا ومواعيدها ويقولك هتمشي اد ايه و يرنلك قبل المحطة اللى انت هتروحها

عشان ينبهك . 

برنامج شهر عسل فى ماليزيا ( 15 يوم / 14 ليلة )
 

( بورت ديكسون - جزيرة لنكاوي - جزيرة بينانج - كوالالمبور - مرتفعات جنتنج )

السفر فى الفترة من ( 4 مارس 2019 : 18 مارس  2019 ) 
 

اولا :  الفنادق والاقامة فى مدن ماليزيا بالصور والاسعار
 

1-بورت ديكسون 

اسم الفندق : waterfront-boutique

عدد الغرف : 1 سويت 

عدد الليالي : 2 ليلة

 
2- جزيرة لنكاوي 

اسم الفندق : bayview-langkawi

عدد الغرف : 1 سويت

عدد الليالي : 3 ليالي

3- جزيرة بينانج 

اسم الفندق :  holiday-inn resort-penang

عدد الغرف : 1 سويت 

عدد الليالي : 3 ليالي

 
4-كوالالمبور 

اسم الفندق : holiday-inn express

عدد الغرف : 1 سويت 

عدد الليالي : 6 ليالي

 
ثانيا : تفاصيل برنامج رحله ماليزيا 
 

اليوم الأول ( التوجه لبورت ديكسون )

* الوصول لمطار كوالالمبور الدولي 

* اول حاجة تعملوها لازم تشترى شريحة موبايل وانترنت وأفضلهم شركة اسمها يو موبايلي

* التوجة إلى بورت ديكسون مباشرة 
 

اليوم الثاني ( الاستمتاع بالفندق )

* يوم حر بالمنتجع للاستمتاع بالطبيعة الخلابة
 

اليوم الثالث ( التوجع لجزيرة لنكاوي )

* التحرك إلى مطار كوالالمبور الداخلي متوجها إلى جزيرة لنكاوي

* وصول مطار لنكاوي و التوجه إلى الفندق للراحة 

*او الاستمتاع بنزول البحر حيث جمال الشواطئ 
 

اليوم الرابع ( جولة لمعالم جزيرة لنكاوي ) 

* جولة سياحية لاهم معالم الجزيرة تتضمن 

( التلفريك - الجسر المعلق  - ركوب الافيال - الشلالات - بانوراما لنكاوي والاستمتاع بأروع الأنشطة الترفيهية )
 

اليوم الخامس ( الاستمتاع بغابات المنانجروف )

* جولة المانجروف حيث الطبيعة الخلابة والتقاء المياه العذبة مع المياه المالحة وسط غابات المانجروف

والاستمتاع ب :

( اكواريوم الاسماك -كهف الخفافيش  - كهف التماسيح  - إطعام النسور  - مصب النهر بالمحيط - المطاعم العائمة )
 

اليوم السادس ( التوجه لجزيرة بينانج )

* الذهاب إلى ميناء لنكاوي متجها إلى جزيرة بينانج

* وصول الميناء بينانج والتوجه إلى الفندق للراحة والاستمتاع بالشاطيء
 

اليوم السابع ( جولة لجزيرة بينانج )

* جولة سياحية لأهم معالم الجزيرة تتضمن
(حديقة الفواكه - حديقة الفراشات - حديقة التوابل - القطار الجبلي - هضبة بينانج)
 

اليوم الثامن (الاستمتاع بشواطئ الجزيرة )

* يوم حر على شواطيء بينانج الساحرة
 

اليوم التاسع ( التوجه الى كوالالمبور )

* التحرك إلى مطار بينانج متجهاً إلى كوالالمبور 

* وصول مطار كوالالمبور الداخلي والتوجه إلى الفندق
 

اليوم العاشر ( الاستمتاع بمدينة الالعاب المائية )

* جولة ترفيهية إلى مدينة الألعاب المائية الشهيرة ( صن واي لاجون )

والاستمتاع بالألعاب الترفيهية وحديقة الحيوانات المصغرة
 

اليوم الحادي عشر (جوله لمعالم كوالالمبور )

* جولة سياحية لأهم معالم العاصمة كوالالمبور 

( البرجين التوأم   Twin Tours - الاكواريوم - منارة كوالالمبور  Menara kl   - البيت المقلوب - متحف الشيكولاته - حديقة الطيور -حديقة الحيوان - ساحة مرديكا - قصر السلطان )

اليوم الثاني عشر ( الاستمتاع بمرتفعات جنتينج )

* جولة إلى مرتفعات جنتينج تشمل أهم المعالم السياحية هناك

 ( التلفربك - المعبد الصيني  - الجبل البارد - مول جنتينج الشهير  - مزارع الفراولة والزهور ) وغيرها من الأماكن الرائعة الخلابة

اليوم الثالث عشر ( الاستمتاع بجولة فى مدينة الالعاب الضوئية )

* جولة ليلية ترفيهية إلى مدينة الألعاب الضوئية والاستمتاع ب 

( المدينة الثلجية  - بيت الرعب  - بيت الشمع  - مدينة الألعاب الديجيتال  - متحف سداسي الأبعاد ) وغيرها من الألعاب الممتعة

اليوم الرابع عشر ( جولة حرة لزيارة الاسواق والمولات )

* جولة تسوق لأهم المولات والأسواق التجارية او يمكنك الذهاب الى Kanching Falls عبارة عن غابة طبيعية فيها سبع شلالات فوق بعض
 

اليوم الخامس عشر ( العودة للوطن )

* التوجه  إلى مطار كوالالمبور الدولي في طريق العودة

بالنسبة لأسعار الفنادق ممكن تتغير وفقا لتاريخ السفر إلى ماليزيا احنا اختارنا لكم البرنامج فى شهر مارس كمثال ورشحنا لكم فنادق بأسعار متوسطه