استمتع بقضاء أفضل برنامج سياحي شامل لكل مزارات أسوان وتكاليف الاقامة فى القرية النوبية

اسوان والنوبة يعنى الجمال والهدوء والإستجمام أرض الذهب والحضارات  ،  القري النوبية وجمالها وطيبة اهلها بتجذب اى حد ليها عشان كدا لو بتفكر تزور أسوان و تشوفها بشكل مختلف ، وعايز تستمتع بالاقامه في فنادق غير تقليديه او قلقان من تكاليف الرحله خصوصا بعد ارتفاع اسعار معظم الخدمات .

احنا عملنالك برنامج سياحي مميز لأسوان والنوبة فقط  بأسعار تفصيلية لكل حاجة هتزورها هناك ( برنامج الرحلة مغطى الأماكن الأساسية فى أسوان واللى لازم تستمتع بيها ) وكمان رشحنا لك بيت نوبى قريب من مناطق كتير وكمان سعره مناسب جدا بالنسبة للخدمات اللى بيقدمها وموقعه ممتاز على النيل مباشرةً . 

وقبل ما نقولك على البرنامج ممكن تحجز لرحلات الاقصر واسوان نايل كروز بأرخص الاسعار وبتخفيضات تصل ل 50 % معانا من هنا : 

قضي أجمل 4 ايام / 3 ليالى فى رحلة النايل كروز الاقصر واسوان بأقامة كاملة شاملة الانتقالات ودخول المزارات 

قضى احلي 5 ايام  4 ليالي في ادفأ مكان في مصر ( اسوان - النوبة)

البرنامج دة خاص بمزارات اسوان والنوبة هنكلمك فيه عن الإقامة فى مكان جميل جدا فى غرب سهيل 

واللى هتكون فى بيت نوبى جميل اسمه Baba Dool شاملة الافطار والغرف مطلة على النيل . 

• أقامة فى غرفة سنجل بيكون السعر فى الليلة الواحدة حوالى 230 جنيه 

• أقامة فى غرفة مذدوجة بيكون السعر فى الليلة الواحدة حوالى 250 جنيه 

• أقامة فى غرفة مذدوجة مع حمام خاص بيكون السعر فى الليلة الواحدة حوالى 530 جنيه 

والصور خير دليل : 

برنامج اليوم الاول من الرحلة : زيارة كلا من ( السد العالي - رمز الصداقة - خزان اسوان - المسلة الناقصة )

- الوصول اسوان صباحأ والتوجه الى البيت النوبي للتسكين . 

- الاستعداد لزيارة ( السد العالى - رمز الصداقة ) .

- زيارة سد (خزان) اسوان - المسله الناقصه .  

- تناول وجبة الغداء على ضفاف النيل

- عمل جولة حرة فى سوق القرية والاستمتاع بجمال البيوت النوبية المبهجة 

برنامج اليوم الثانى من الرحلة : زيارة كلا من ( متحف النوبة - جزيرة النباتات - مقابر النبلاء - معبد جزيرة فيله - قبة ابو الهوا )

- الاستيقاظ مبكرا وتناول وجبة الافطار . 

- التحرك لزيارة متحف النوبة 

- التحرك لعمل جولة كاملة فى نيل اسوان وزيارة ( جزيرة النباتات - مقابر النبلاء "قبة ابو الهوا" - والتجول بالمركب فى غرب سهيل ) 

- العودة لتناول وجبة الغداء فى اجمل مطاعم النوبة . 

- التوجه مساءا لمشاهدة عرض الصوت والضوء فى معبد جزيرة فيله ومن ثم العودة للبيت النوبى .

برنامج اليوم التالت من الرحلة : زيارة كلا من (معبد كوم امبو - متحف التماسيح - متحف النيل - سوق اسوان )

- تناول وجبة الافطار 

- زيارة ( معبد كوم امبو - متحف التماسيح ) 

- زيارة متحف النيل 

- التجول فى سوق اسوان وشراء الهدايا والرجوع للفندق والنوم مبكرا للتوجه لواحد من اعظم المعابد ( معبد ابو سمبل )  فى بداية اليوم التالى 

برنامج اليوم الرابع من الرحلة : زيارة كلا من ( معبد ابو سمبل - شاطي بربر - التجول فى القريه النوبية ) 

- التحرك بعد منتصف الليل لزيارة معبد ابو سمبل ومشاهدة الشروق وتعامد الشمس على الملك رمسيس التانى

- التجول فى المعبد واخذ الصور التذكارية  ومغادرة مدينة ابو سمبل الساعه الثامنة صباحاً 

- العودة الى الفندق فى الساعه الحادية عشر واخذ وجبة الافطار

- السباحة فى النيل فى شاطئ بربر او التجول فى القرية النوبية وركوب الجمال 

- تناول وجبة الغداء والتوجه للاستراحة فى الفندق

- الاستعداد لحضور حفل نوبى على ضفاف النيل ليلاً

برنامج اليوم الخامس من الرحلة : زيارة كلا من ( معبد كلابشة -  جزيرة الفنتين )

- تناول الافطار ومغادرة الفندق 

- التوجه لزيارة كلا من ( جزيرة معبد كلابشة - جزيرة الفنتين )

- التوجه لمحطة القطار وتوديع اسوان وركوب قطار الساعه الرابعه 

أسعار تذاكر المزارات السياحية فى اسوان : 

- المسلة الناقصة : سعر التذكرة للمصرى 5 جنيه - والطالب 3 جنيه 

- جزيرة النباتات : سعر التذكرة للمصرى 5 جنيه - والطالب 5 جنيه 

- متحف النوبة : سعر التذكرة للمصرى 10 جنيه - 5 جنيه للطالب

-  متحف النيل: سعر التذكرة للمصرى 10 جنيه - 5 جنيه للطالب

- مقابر النبلاء  : سعر التذكرة للمصرى 10 جنيه - 5 جنيه للطالب

- معبد فيله : سعر التذكرة للمصرى 20 جنيه - 5 جنيه للطالب

- متحف النوبة : سعر التذكرة للمصرى 10 جنيه - 5 جنيه للطالب

- معبد كوم امبو + متحف التماسيح : سعر التذكرة للمصرى 20 جنيه - 5 جنيه للطالب

- معبد ابو سمبل : سعر التذكرة للمصرى 10 جنيه - 5 جنيه للطالب ( تتضاعف الاسعار يومى تعامد الشمس )

- معبد كلابشة : سعر التذكرة للمصرى 10 جنيه - 5 جنيه للطالب

- معبد جزيرة سهيل : سعر التذكرة للمصرى 10 جنيه - 5 جنيه للطالب

- السد العالى الزيارة مجاناً للمصريين

وبكدة يكون برنامج الرحلة خلص ونكون حاولنا نجمعلكم اغلب المزارات والاماكن السياحية فى اسوان ولو حابب تعرف اكتر عن اسوان ممكن تشوف المقال دة ( معالم ومزارات اسوان السياحية وافضل المطاعم والفنادق بها )

او لو حابب تقضي شهر عسل في اسوان ممكن تشوف المقال دة ( تكلفة قضاء شهر عسل رائع فى اسوان وانسب الفنادق المناسبة لشهر العسل )

ودى صور من داخل البيت النوبي baba dool : 

ودي صور لمعالم ومزارات اسوان اللى هتزورها فى برنامجك : 

متحف النوبة 

جزيرة النباتات

مقابر النبلاء 

جبل ابو الهوا ليلا

جزيرة معبد فيله

معبد كوم امبو

متحف النيل

معبد ابو سمبل

معبد كلابشة

جزيرة الفنتين