لو زهقت من ضغط الشغل وزحمة القاهرة اطلع ابسط نفسك وخدلك احلى داي يوز في العين السخنه جمع اصحابك في يوم الاجازه وإخربها
علشان تشحن طاقتك من جديد هتقضي احلى يوم في العين السخنة فى رحلة على يخت وتخلص وممكن تكمل باقى السهرة فى بورتو السخنه كمان .
ايجار يخت في العين السخنة لرحلة بحرية رائعه
جديد : احجز وادفع أونلاين كل اللي نفسك فيه وانت قاعد مكانك :
قضي احلي داي يوز علي يخت بالعين السخنة أحجز دلؤقتي من هنــــــا وسيب الباقي علينا .
اما بقي لو عاوز تحجز رحلات وانشطة في العين السخنه ممكن تحجزها من هنـــــا
هتقضى اجمل 11 ساعة مستحيل تنساهم من الساعة 6 الصبح للساعة 5 المغرب
الواحد لازم يطلع الطلعة دي على الاقل مرة في السنة و تشوف بنفسك جمال البحر الاحمر و تعوم وسط دلافين ودي لوحدها متعة ماتتوصفش
خصوصا ان التكلفة مش كتيرة
بيكون معاك على اليخت الكابتن و الطباخ قمة في الاحترام و الاحترافية تحس انك مش شايل هم اي حاجة و كل هدفهم انك تكون مبسوط هيوصلوك لأماكن السباحة وأماكن الصيد و الاماكن اللي تعمل فيها snorkeling و تتفرج فيها على الشعب المرجانية، و
تتصور احلى صور علي اليخت و تبقى من احلى ذكرياتك
و فيه life jacket لكل اللي عاليخت ولو حبيت تاخد معاك اكل يطبخ علي اليخت بتاخد حاجتك كلها معاك والشيف هيقوم بالواجب او ممكن تحجز الوجبات اللي انت عايزها و هتلاقيها جاهزة على اليخت سواء سمك بالطعم السويسي او فراخ
اليخت فيه تلاجة و و تلفزيون و عدة صوت (sound system ) تعمل بفلاش اوصلة AUX عشان لو عايز تشغل أغاني من الموبايل على ذوقك
في قعدة علي اليخت من فوق المنظر بيكون فوق تحفة، و في قعدة في اليخت من تحت مكان الغطس و في جزء جوا اليخت فيه مطبخ وحمام او اتنين ( حسب حجم اليخت ) و 3 غرف نوم فيهم 6 : 8 سراير
كمان قبل ما تتحرك تقدر تطلب كل اللي انت محتاجه مثلا صنارة : ايجارها 25 جنيه ،نظارة بحر 25 جنيه ، طبق طعم "جمبري" ½ كيلو بــ 100 جنيه و طقم snorkeling كامل ب 50 جنيه
و لو عايز تشوي علي المركب بتأجر الشواية ب 75 جنية و حضرتك تجيب الفحم معاك
رحلة زي دي متتنسيش و من الحاجات اللي هتخليك تسأل نفسك كتير، انا ليه مطلعتش الرحلة دي من زمان خصوصا ان التكلفة مش كتيرة الفرد تقريبا بيعمله 250 جنيه لو رايح يوم فى وسط الاسبوع والمكان قريب من القاهرة بالكتير اوي ساعتين تكون وصلت المرسى .
مكان المرسى: مارينا وادي الدوم في العين السخنة عند بورتو
وبتحجز اليخت قبل ما تطلع ب 5 ايام علي الاقل و بتدفع العربون اونلاين او فودافون كاش عشان تبقى حجزت اليخت نيجي بقى للاسئلة المهمة
اسعار ايجار اليخت في العين السخنة وكيفية الحجز :
سعر ال10 افراد في وسط الاسبوع ب 2500
- جمعة او سبت ب 3500
سعر ال 20 فرد في وسط الاسبوع ب 3500
-جمعة او سبت ب 4500
سعر ال 30 فرد في وسط الاسبوع ب 4500
-جمعة او سبت ب 5500
هذه الأسعار دى بتكون للــ 11 ساعة بس
انما لو حابب تبات يبقى تزود ( 1500 جنيه ) علي مركب 10 أفراد
ولو حابب تقضى داي يوز فى بورتو السخنه دة برنامج ترفيهى هيساعدك تظبط رحلتك لبورتو
وكمان لو حابب تعرف اسعار قضاء داي يوز فى السخنه دة مقال شامل بخصوص فنادق ومنتجعات العين السخنه واسعارها
جديد : احجز وادفع أونلاين كل اللي نفسك فيه وانت قاعد مكانك :
قضي احلي داي يوز علي يخت بالعين السخنة أحجز دلؤقتي من هنــــــا وسيب الباقي علينا .
اما بقي لو عاوز تحجز رحلات وانشطة في العين السخنه ممكن تحجزها من هنـــــا
ودي صور اليخت من الداخل :
