اعمل ايه لما اروح الغردقة. Hurghada city - Egypt ؟ سؤال بنسأله لنفسنا لو مسافرين لأى مكان . اكيد كلنا بنكون محتاجين قبل اى سفرية نعرف كل حاجة عن المكان اللى هنزوره ونشوف البلد دى هنعمل فيها ايه .
احنا سهلنا عليك كل التفكير وهنجاوبك عن كل تساؤلاتك بخصوص السفر والسياحة فى الغردقه لو رايح تقضى هناك الويك اند
وكمان هنعرفك الرحلات البحرية والسفارى وكل شئ هناك بيتكلف كام عشان تبقى مظبط برنامج رحلتك وعارف هيكلفك اد ايه .
أما بقي لو بتفكر تسافر الغردقه الايام دى يبقي لازم تلحق تحجز فى ارخص سعر لرحلة الغردقة وقضي الويك اند وعيش من هنا :
أليك تقرير متكامل عن مدينة الغردقة الساحرة بالبحر الاحمر
سميت مدينة الغردقة بمصر ( جوهرة البحر الآحمر ) لانها بتمتلك مجموعه شواطئ رائعه وتشتهر بالطبيعه الساحره وبها العديد من المعالم والانشطة السياحية الساحرة وأشهرها :
متحف الرمال ،جزيرة الجفتون ، الاكواريوم ، الجونة وسهل حشيش دة غير انك كمان هتستمتع فى الغردقة بأحلى رحلات سفارى والرحلات البحريه وهتشوف احلى المناظرالطبيعية وهنكلمكم عنها بالتفصيل :
أولا اسعار الرحلات البحرية والانشطة الترفيهية فى الغردقة : اسعار كلا من ( الاكواريوم - دولفين شو - متحف الرمل - سي سكوب - الغواصة سندبناد - الجلاس بوت - جزيرة يوتوبيا - جزيرة الجيفتون - الرحلات البحرية - سهرة الف ليلة وليله )
1 - الاكواريوم : فيه 3 اكواريوم فى الغردقة
-جراند أكواريوم ( بمنطقة مجاويش )
-اكواريم الدهار ( حي الدهار امام مستشفي الغردقة العام )
-اكواريم الأحياء (الشهير بأكواريوم حامد جوهر/ الاحياء بجوار كليه التربيه )
.jpg)
وهنتكلم بالتفصيل عن رحلة جراند أكواريوم الغردقة
مبدأياً الاكواريوم هو عبارة عن خزان من عشرات ملايين لترات المياه ، وواحد من أكبر الاكواريوم في العالم ، حيث يعد جراند أكواريوم الغردقة منزل لآلاف الأنواع من الكائنات البحرية
بمعنى انك لو عايز تعمل دايفنج و تشوف البحر من تحت من غير ما تاخد الريسك حلك موجود في " جراند أكواريوم الغردقة اللى بيعتبر حوض من اكبر الاحواض في العالم فيه حوالي 400 سمكة
قرش و فيه اكبر عدد من اسماك قرش النمر في العالم كله.
الحوض ده دخل موسوعة جينيس لانه هيخليك تدخل الحياة البحرية ب 3 طرق..
اولهم "النفق" و النفق ده موجود في الدور الأرضي و بطول 48 متر...هتشوف الغواصين و هم بيأكلوا السمك
تاني حاجة "حديقة الكائنات البحرية" و دي في الدور الثاني ... دي بقى حاجة تانيه هتوديك 3 بيئات مختلفة
(تعالب المياه , اسماك البيرانا, بطاريق الهومبولت, التماسيح الأمريكية, , سمكة الاسد, سلطعون العنكبوت العملاق, حصان البحر, ثعابين الحدائق, اسماك آرتشر)
و لو بصيت تحت رجلك هتلاقي الأرض ازاز بيوريك الحوض و انت واقف فوقيه كأنك راكب جلاس بوت
تكلفة الرحلة دى بالانتقالات حوالى 180 لــ 200 جنيه للفرد
.jpg)
2- دولفين شو :
-دولفين شو مكادي ( مدخل مدينة مكادي )
في خليج مكادي الغردقة هتشوف أجمل دولفين شو ممكن تشوفه وأطفالك هتستمتع وتنبهر بيه جدا
العرض بيتكون من 4 فقرات رئيسية...
1- فقرة أسد البحر ودي هنشوف فيها أسد البحر وهو بيعمل بعض الخدع المائية وبيرقص سامبا
2- فقرة قطط البحر ودي هنشوف فيها قطط البحر وهي بتغني وكمان تعزف على الجيتار
3- فقرة الفقمة ودي هنشوف فيها الفقمة ليلا أشهر فقمة في مصر والشرق الأوسط وهي بتقلد أصوات الحيوانات وغيره كتير
4- فقرة الدولفين ودي هنشوف فيها الدلافين مع المدربين وهما بينطوا ويلعبوا ويرقصوا كمان.
لو طالع الغردقة متنساش تزوره وانت هناك وخصوصا لو معاك اطفال وسعر الفرد بيكون 130 جنيه تقريبا شامل الانتقالات
3- مدينه الرمال أو متحف الرمل ودة (أمام فندق صن رايز مملوك، منطقة القرى، بجوار سنزو مول).
فكرة «مدينة الرمال» تعد بمثابة متحف شيق، وبيحتوي على تماثيل رملية جذابة لأشخاص لعبوا أدوار مهمة في تاريخ البشرية ، زى نابليون بونابرت، وإيزيس، وكليوباترا، والإسكندر الأكبر، و
الأسطورة الإغريقية «لافوكا فيرتا»، والسلطان محمد الفاتح.. وصولا إلى الشخصية معشوقة الأطفال «باتمان»، و«كينغ كونغ»، و«سبايدرمان»، وغيرها من أساطير وعجائب العالم، زى الأهرامات
وأبو الهول، وشواهد متنوعة من مختلف الحضارات والعصور تتجسد جميعها في تماثيل رملية يضمها المتحف.
4- المراكب ذات النوافذ البانورامية (سي سكوب /ميرميد وخلافه ) :
ودى واحدة من اجمل الرحلات لمشاهدة المناظر الطبيعية بالبحر الاحمر وقضاء اجمل وقت مع العائلة وتصوير الأسماك الملونة والشعب المرجانية عن طريق شباك بانورامى والرحلة دى سعرها بيكون حوالى 100 او 150 جنيه للفرد وبتستغرق ساعتين .
5-جلاس بوت :
ودى بردو رحلة ممتعه جدا هتشوف من خلالها الشعب المرجانية وأسماك البحر الأحمر النادرة من خلال قاع المركب الزجاجى , الرحلة تستغرق ساعة و نصف بالابحار و الجولة بالجلاس بوت والرحلة دى بتكون مدتها ساعه ونصف ، تكلفتها بتكون حوالى 75 جنيه
6- الغواصة سندباد:
ودى ايضا رحلة للاعماق وبتكون مدة الرحلة 3 ساعات يبدأ البرنامج بالانتقال من الفندق الى المارينا الخاصة بالغواصة سندباد بالغردقة.
- وبتشوف متحف للاسماك والكائنات البحرية وبيتم عمل جولة بالمركب لمدة 20 دقيقة لحد ما توصل لمكان الغواصة
-بعد كدا بيتم النزول علي سطح الغواصة ومنه الي داخلها والنزول بها تحت الاعماق الساحره للبحر الاحمر والغوص بها لمدة 40 دقيقة علي عمق 25 متر تحت الماء مع مجموعة من غطاسين محترفين يداعبون اسماك البحر
الاحمر المتنوعة حتى تقترب من الغواصه ليستمتع الضيوف بالمناظر الرائعة.
والرحلة دى ممكن تكلفك من 300 جنيه لــ 325 جنيه
7 - سهره الف ليله وليله ( فندق الف ليله وليله كل يوم مساءا )
الامسية بتكون بالاستعراضات الشرقية و عرض التاريخ المصرى فى الصوت و الضوء و المتحف ودى واحدة من اجمل الاماكن الترفيهية فى الغردقة . تبعد حوالى 20 دقيقة عن مطار الغردقة , وحوالى 25 دقيقة عن مركز مدينة الغردقة .
تشمل سهرة الف ليلة وليلة الاتى : متحف الاستنساخ - عرض الصوت والضوء - النافورة الراقصة - أكروبات الخيول - عرض التنورة - استعراضات الفنون الشعبية والفلكلورية - رقص شرقى وتكلفة الفرد بيكون من 100 ل 130 جنيه على حسب هتكون بالانتقالات او من غير
8- وطبعا لو لاقيت عجل تركبه وتلف بيه الغردقة يبقى حلو أوي وفيه أسواق جميلة جدا هناك مستوى راقي وعالي ومطاعم أسعارها غالية جدا ومتوسطة هتلاقي كل حاجة في الغردقة في الأكلات .
9 - جزيرة يوتوبيا :
جزيرة يوتوبيا هي اجمل الجزر الموجودة في البحر الاحمر بمنطقه سومه باي ، وتقع على بعد 45 ك.م تقريبا جنوب الغردقه .
الجميل في الرحله ده الشعب المرجانيه اللي بتعمل عندها سنوركلنج ، منطقه ساحره بمعني الكلمه. والرحلة دى ممكن تكلفك 225 جنيه تقريبا حسب البروجرام
10 - رحلة جزيرة الجفتون :
تقع جزيرة الجفتون على بعد 11 كم من شواطئ مدينة الغردقة، وتبلغ مساحتها أكثر من 17 كم،
رحلة جزيرة الجفتون الرحلة الأكثر شهرة على الاطلاق فى الغردقة , واغلب زوار الغردقة قاموا بالرحلة دى أكتر من مرة ودة لان فيها متعة وترفيه فى مياه البحر الأحمر النقية و المناظر الطبيعية الخلابة و الشعاب المرجانية
المذهلة حيث تعيش الكثير من الكائنات البحرية اللى بتجذب كل زوار الغردقة للقيام بالعوم و الغطس فى تلك المناطق القريبة من الجزيرة , كل دة بيخلى من رحلة جزيرة الجفتون ذكرى رائعة لن تنساها.
مدة الرحلة بتكون 7 ساعات وسعر الرحلة دى بتتكلف حوالى 200 جنيه
و يـوجـــد 4 انــــواع مـــن رحـــلات الســفــــاري لنفس الجزيرة تختلف في السـعـر حـســب الامـكــانيات بداية من حجم المركب ومستواه مروراً بجودة الاطعمه والمشروبات والخـدمـه وانـتــهــــاء بـ خدمات السنوركل وما يقدم
علي الجزيرة من خدمه وهي بالترتيب كالاتي :-
* رحلة المحميه Mahmya
* رحلة باراديس Paradise
* رحلة أورانج Orange Bay والمكان دة رائع وبيبعد عن الغردقة حوالى 40 دقيقة بالمركب لكن هتشوف فيه مناظر تحفه
* رحـلــة جـفـتــون ...... ( ودي الرحلة العادية اللي الاغلبية بيطلعوها لرخص سعرها طبعاً ) لـكــن باقى الرحلات تكلفتها بتتعدى ال 500 جنيه للفرد
.jpg)
.jpg)
اورانج باى الغردقة
ثانيا اسعار رحلات السفاري فى الغردقة :
فيه برامج مختلفة للسفاري، اشهرهم الآتي:
* رحلة الشروق (ساعه ونص ركوب بيتش باجي + ركوب جمل + شيشة وشاي)
* رحلة غروب (نفس برنامج رحله الشروق )
* برنامج الحفله وده ليه مسميات كتير ،علي اعتبار أن كل منفذ رحله بيسميها براحته (بدويه /سوبر سفاري/ميجا سفاري/ ديسكفري ومسميات تانيه كتير،والبرنامج تقريبا واحد)
وبرنامج الرحلة دة بيكون سعره للفرد حوالى 220 جنيه وبيكون عبارة عن :
45 دقيقة موتوسيكلات بيتش باجي - 10او 20 دقيقة سبايدر كار او باجي - ركوب جمال - ركوب خيول - بيت زواحف - عشاء باربيكيو - حفله (رقص شرقي/ تنوره شو)
ثالثا افضل مطاعم الغردقة :
من الاخر كده ، مينفعش تيجي الغردقه وتمشي من غير ما تاكل في مطعم سمك ممكن مثلا واحد يقولي ده احنا في الفندق الفلاني بياكلونا جمبري جمبو هنقوله سيبك بس من الكلام ده واطلع علي ستار فيش (شارع الشيراتون) .
وهتعرف بعد كده احنا ليه بنقولك ان اكل السمك والجمبري في مطاعم الفنادق حتي لو خمس نجوم لا يقارن بالمتخصصين، التخصص مطلوب يا جماعه في كل حاجة .
طب ايه احلى اماكن الأكل والوجبات فى الغردقة
بالنسبة للأكل وأنت خارج من الـMarina أمشى شوية فى اتجاه الجامع الكبير إللى هتشوفه أدامك هتلاقى حلقة السمك، عالم تانى للى بيحبوا الأكل،
أشهر أنواع “ لو نويت تديها فوسفور” الكاليمارى المشوى وده تجربة فى حد ذاته، ونوع تانى اسمه الناجِل وده عبارة عن سمكة كبيرة شوية وطعمها طعم الكابوريا.
لو مبتفهمش فى الأنواع أوى بلاش تجيب سمكة “أم الشعور” عشان دى كذا نوع أحلى واحد فيهم اسمه “شعور حُر” بس البياعين بيبيعوا نوع تانى وبيضحكوا بيه على الزباين
ولو غاوى ألوان يبقى هات سمك البربون وهو”نوع من أنواع سمكة البغبغان”. معظم الأنواع دى بتتعمل صوانى، لو حظك حلو ممكن تتكعبل فى حد بيبيع ستاكوزا طازة،
ولو أنت من عُشاق الأماكن إللى بتعبر عن البلد
احلى شوربة “sea food” بتعملها مطاعم السمك الشعبية إللى عند المينا فى نفس المنطقة.
اما بقى لو ملكش فى السمك أوى، إنزل شارع ،”seagull” وادخل من جنب “Metro” يمين فى يمين، واسأل عن مطعم “البيت بيتك”
ولو عايز تعمل نمرة قول “ مطعم الحاجه ”لإنه معروف بالاسم ده فى الغردقة، المطعم ده من أحلى مطاعم الأكل البيتى و الطواجن والمشاوى حاجة كده زى البرنس وأم حسن
نصيحة لو عايز تلحق الكبدة و الطواجن التقيلة روح قبل 7 بالليل لإن هناك بيعملوا الأصناف فى نفس اليوم وإللى يخلص مبيتعملش تانى.
بالنسبة للى بيموتوا فى الأكل الشعبى والسندوتشات
“جاد” إللى فى ميدان العروسة ممتاز وله فرع تانى عـ الممشى
وفي كمان خروجه فى شارع “شيرى” وسط أهل البلد وجو قهاوى مصر ومحلات الفطير على كام سوبر ماركت ومحلات موبايلات، بس فى آخر الشارع ده فيه “الفخرانى” يعنى أحلى رز بلبن وأم على وخِلافه مينفعش تروح الغردقة ومتعديش على الفخرانى تِحَلى.
لو فول وطعميه (يبقي عليك وعلي ابو ايه ،فول ابو ايه )
(1).jpg)
رابعا : لو عايز اخرج اتمشي؟ ممكن اروح فين فى الغردقة ؟
عندك المارينا، الممشي السياحي ، ممشي شارع النصر الجديد ، ممشي شارع شيري السياحي وكمان المدينة القديمة وشارع البازارات . وممكن بالليل تاخد العربيه وتروح الجونه.. او تروح سينزو مول sinzo mall - وفى مكان اسمه جاليرى اخناتون مصر Akhenaton Egypt Gallery .
وفيه كمان ديسكوهات:
*ليتل بودا (الممشي السياحي، بجوار فندق السندباد وسيفا جراند)
خامسا بالنسبة للفنادق
من أفضل الفنادق الغردقه واحسنهم سعرا .
فندق هارموني مكادي اكوا بارك الغردقة
- فندق 4 نجوم بلس مستوي خمس نجوم ( الفندق مصنف 5 نجوم ) - صف أول علي البحر مباشرة
- يوجد علي الشاطئ الكرة الطائرة الشاطئية و أنشطة و حفلات ترفيهية
- الفندق يحتوي علي اكوا بارك كاملة كبيرة مجانا للكبار و الأطفال - يحتوي علي 5 حمامات سباحة للكبار ، 2 حمام سباحة للأطفال
- يحتوي علي جاكوزي في الهواء الطلق مجانا - يحتوي علي ملعب تنس مجانا و قاعة مؤتمرات عملاقة و جيم و صالة لياقة بدنية كاملة
- حفلات صباحية و مسائية وعروض شعبية يوميا للكبار و الصغار - أقوي انيمشين للكبار و الأطفال - يوجد نادي للأطفال و حديقة للأطفال هتلاقي حاجات كتير حلوة للأطفال
*ودى ايضا مجموعة من أفضل مدن ومنتجعات الالعاب المائية في الغردقة :
1- Makadi Water world .
2- Jungle Aqua Park .
3- Titanic Aqua Park .
4- Hawaii Riviera Aqua Park .
5- Sindbad Aqua Park .
6- Spring aqua park - sahl hasheesh .
* أجمل وأحلي منتجعات الغردقة :
* El Gouna Movinpick Resort .
* Sheraton Miramar El Gouna.
* Panorama Bungalows resort .
* Belvio Resort El Gouna .
* Ali Basha Resort .
* Caesar Palace Hotel & aqua park .
* Arabia Azur Resort .
* Sundays El Blasio Resort .
* Arabella Azur Resort .
* Aqua Blue Resort .
* Hurghada Marriott hotel .
* Sindbad club resort .
* Dana Beach resort .
* Steigenberger Aqua Majic resort .
* Grand resort .
* Pick Albatros sea world resort .
* Sunrise crystal bay resort .
* Golden 5 city resort .
* Sonesta Pharon Resort .
* desert Rose Resort .
* sentido Mamlouk palace resort .
* Oberoi sahl Hasheesh resort .
* Albaron Palace sahl Hasheesh .
* Serinity Makadi Beach Reesort .
* Jaz makadina resort .
* Grand Makadi resort .
* Sunrise Royal Makadi resort .
* serinity fun city Resort .
* Jaz Aqua fiva Resort .
* cleopatra Luxury Resort Makadi bay ..
* Sheraton Soma Bay resort .
* Robinson club Soma bay .
* Kempinisky soma bay .
* Sentido palm royal soma bay resort .
سادسا واخيرا المواصلات من والي الغردقة :
لو عايز تركب مواصلات من القاهرة للغردقة ومحتار تعمل ايه في اكتر من طريقة وشركة في شركة بلو باص جديدة وممتازة واتوبيسات فاخرة و بيوصل لغاية التجمع الخامس كمان وفي كمان جو باص شركة مواعيدها كل
ساعة من والي الغردقة وكمان في هاي جيت بنفس الاسلوب ولكلاً مواعيده على موقعه الالكتروني
بالنسبة لقائدي السيارات من القاهرة ( طريق الجلالة شغال ) وعظمه وكله خدمات وامن جداً اضافة لطريق العادي السخنة الغردقة والطريق مش اكثر من 5 ساعات بالاتوبيس واقل من كده بالسيارة حسب السائق والسرعه .
